Sobre o Poemagosto

O Poemagosto – Festival internacional de poesía en Allariz ten como obxectivo achegar ó público unha boa programación onde prime a poesía e xs poetas, sen esquecer a música e outros formatos artísticos.

Chegada a IV edición, en 2017, demos un salto importante na concepción do festival, pasando de unha a tres xornadas de actividades e camiñando cara á internacionalización ou “interlingüización” do festival, achegando máis voces poéticas e máis linguas có galego e o portugués, que eran as que ata a 3ª edición podían escoitarse no Poemagosto.

Poesía, música, concertos, charlas, micros abertos, actividades infantís, concurso de poesía recitada, presentacións, postos de libros, arte e artesanía…

O VII Poemagosto, dadas as circunstancias de sobra coñecidas derivadas da pandemia causada polo xa tristemente famoso coronavirus, será tamén especial, pero tiñamos claro que debiamos facer todo o posible por estar, por resistir e insistir.

Na páxina de inicio iremos actualizando a información detallada sobre esta 7ª edición.

Saúde e Poesía!