VIII Poemagosto 2021

O VIII Poemagosto – Festival Internacional de Poesía en Allariz celebrarase o sábado 2 e a mañá do domingo 3 de outubro, dividido nos seguintes actos:

Sábado 2 de outubro

  • 12:00h Acto poético – musical : Recital poetas participantes e actuación de Xoán Curiel (formato dúo)
    [Reservar praza no formulario máis abaixo]

     

  • 18:00h Acto poético – musical : Recital poetas participantes e actuación do dúo Caamaño&Ameixeiras
    [Reservar praza no formulario máis abaixo]

     

  • 20:30h Concerto con UXÍA (con Sérgio Tannus)
    [Adquirir entrada-doazón aquí]

Domingo 3 de outubro [Reservar praza no formulario máis abaixo]

  • 12:00h II Recital de Poesía Novísima
    Recital poético de poetas novísimas e novísimos e unha sorpresa que inda non podemos desvelar…
  • 13:00h Concerto de David Regueiro Quartet “O Camiño”
    Concerto patrocinado por Aira Editorial.


POETAS PARTICIPANTES

Manuel Rivas · Lorena Conde · Helena Villar Janeiro · Xesús Rábade Paredes (Galiza)
Samuel F. Pimenta (Portugal) · Itisha Giri (Nepal / India) · Zahra el Hasnaoui (Sáhara Occidental).

 

ACTUACIÓNS MUSICAIS

  • O lugar de celebración será de novo a explanada ó aire libre, no interior do recinto do Festival Internacional de Xardíns. En caso de choiva, será na parte cuberta do patio do Museo do Coiro.
  • A capacidade de público para cada un dos actos será limitada (entre 100 e 125 persoas), e para acceder será obrigatorio ter feita a reserva anticipada de praza para cada persoa.
  • Podedes facer a reserva para os actos poético-musicais de mañá e tarde do sábado día 2 e mais para o da mañá do domingo día 3 a través do formulario que atoparedes aquí abaixo, ou ben escribindo un correo-e a poemagosto@gmail.com indicando os seguintes datos obrigatorios:
    – Nome e apelidos.
    – Teléfono de contacto (por protocolo de rastrexabilidade)
    Indicar claramente a cal ou cales dos dous actos (mañá e/ou tarde) se desexa asistir.
    Pregámosvos que reservedes unicamente para os actos ós que esteades segurxs que ides poder asistir.

     

  • A entrada ós actos é gratuíta, con limitación de capacidade, pero damos (e agradecemos inmensamente) a opción de adquirirdes a RESERVA SOLIDARIA por 5€ *, que inclúe ou ben unha camiseta do Poemagosto (a recoller e pagar á entrada, no posto de libros; ata esgotar existencias) ou ben un dos libros indicados máis abaixo. Darase prioridade na entrada a estas reservas solidarias.
  • A reserva para o concerto de UXÍA debe facerse dende esta páxina de Fina Rei, que colabora co Poemagosto, entre outras cousas, cedendo a súa web e facilitando así o traballo da organización canto á reserva de entradas. Abrirase un primeiro periodo de reservas adquirindo unha entrada – colaboración (colaboración mínima: 5€).
    Tendes toda a información sobre estas reservas para o concerto de UXÍA nesa páxina web
    Grazas pola vosa colaboración.

No recinto do festival atoparedes un posto de libros con exemplares de obras dxs poetas participantes e outros, xestionado polas librarías Airadasletras (Allariz) e Traga-Mundos (Vila Real), patrocinadora e colaboradora do festival respectivamente, onde poderedes recoller o produto ou vale que poderedes escoller coas reservas e entradas solidarias.

O Poemagosto prega a todas as persoas asistentes o máximo esforzo, responsabilidade e colaboración para observarmos e cumprirmos as medidas sanitarias e de seguridade vixentes (distancias de seguridade, máscaras cando non esteamos na cadeira ou se non se pode manter a distancia de seguridade, uso de xel hidroalcólico, etc.).

 

FORMULARIO DE RESERVA DE PRAZAS PARA OS ACTOS POÉTICO-MUSICAIS
(Opción prioritaria: Reserva Solidaria 5€)

Se por algunha razón non che funciona o envío a través deste formulario, por favor envía un correo a poemagosto@gmail.com indicando claramente os mesmos datos que solicitamos aquí.

(*) O importe íntegro da entrada – doazón é entregado á Fundación Vicente Risco e empregado exclusivamente para sufragar gastos do festival Poemagosto.

(**) Temos dispoñibles 44 camisetas do Poemagosto, de diferentes talles e cores. As camisetas recolleranse no recinto do festival, no posto da organización / libros, o mesmo día, e poderedes elixir talle e cor entre as que vaian quedando e segundo vaiades recolléndoas quen adquirades esta Reserva Solidaria + camiseta , polo que non podemos garantir, no momento de recollérdela, que haxa talle e cor concretos.

· A Reserva solidaria nós entendémola como un xesto colaborativo por parte do público asistente, non como unha compra, e así vos pregamos que o entendades tamén. Se das camisetas que vaian quedando non houbese do voso talle ou da vosa cor favorita, probablemente si teredes amizades ou familiares a quen regalarlla con moito cariño 🙂

(***) Os libros (cedidos pola Fundación Vicente Risco) recolleranse tamén no recinto do festival, no posto da organización / libros, o mesmo día.